Жыл басынан бері бюджетке қанша салық түсті?

55

2023 жылғы І тоқсанда шоғырландырылған бюджет салық түсімдері бойынша 5 667,3 млрд теңгеге толықты, бұл – өткен жылмен салыстырғанда 21,4 пайызға артық деп хабарлайды turkystan.kz Мемлекеттік кірістер комитетіне сілтеме жасап.

– Республикалық бюджетке 3 176,7 млрд теңге түсті, 2022 жылғы ұқсас кезеңмен салыстырғанда 23,2% немесе 599,1 млрд. теңгеге өсті.

– Жергілікті бюджетке 1 293,6 млрд теңге түсті, 2022 жылғы ұқсас кезеңмен салыстырғанда 24,2% немесе 252,0 млрд теңгеге өсті.

– Ұлттық қорға 1 197,1 млрд теңге түсті, 2022 жылғы ұқсас кезеңмен салыстырғанда 14,0% немесе 146,9 млрд теңгеге өсті.

2022 жылдың ұқсас кезеңмен салыстырғанда республикалық бюджетке түсімдердің үшінші елдерден импортқа ҚҚС бойынша 2 есе, ішкі өндіріс тауарларына ҚҚС 21,2%-ға, корпоративті табыс салығы 20,7%-ға және ЕАЭО елдерінен импортқа ҚҚС 2,0%-ға өсуі байқалады.

Түсімдердің өсуіне әсер еткен факторлар бар. Мәселен, 2023 жылы І тоқсанда былтырғы жылдың ұқсас кезеңімен салыстырғанда алтынға 0,8% бағаның өсуі байқалады. Үшінші елдермен тауар айналымы 2023 жылғы І тоқсанда 13,9%-ға өсті (экспорт 6,7%-ға төмендеді, импорт 1,8 есе өсті). Сондай-ақ, ЭШФ тауар айналымы 8,8 трлн теңгеге немесе 27,7% өсті.

 

 

https://turkystan.kz/article/221515-zhyl-basynan-beri-byudzhetke-kansha-salyk-tusti/

Leave A Reply

Your email address will not be published.