Наурыз – жаңа жыл басы

Наурыз – жаңа жыл басы. Біз үшін бұл ең басты ұлық мереке. Наурыз мейрамынан халқымыздың бар болмысы, тарихы мен тыныс-тіршілігі, мәдениеті мен салт-дәстүрі көрініс табады.

Наурыз мерекесі жылдан жылға жоғары деңгейде тойланып келеді. Мейрам қарсаңында үлкендермен қатар, жастарымыз да ұлттық киімдер киіп, Наурызды дәріптеуде белсенділік танытуда. Олардың ұлттық құндылықтарды, қолөнерді дамытуға, салт-дәстүрді танытуға деген ниеттері қуантады.

Биыл Наурызнама онкүндігі бекітіліп, мерекелер жаңа форматта өтуде. Бұл Наурыз мейрамын насихаттауға жаңа серпін бергені анық. Бастысы, іс-шаралардың барлығы мейрамның түпкі идеологиялық мазмұнына сай етіп ұйымдастырылуы маңызды. Сонда бұл іс-шаралар азаматтарымыздың есінде ұмытылмастай боп қалары сөзсіз.