172 қазақстандық «Болашақ» стипендиясының иегері атанды

«Болашақ» халықаралық стипендиясы иегерлерінің тізімі жарияланды.

Республикалық комиссияның шешімімен осы жылғы іріктеудің үшінші легінде 172 қазақстандық стипендия иегері атанды. Оның ішінде 138 адам магистратурада, 8 адам докторантурада білім алса, 26 қазақстандық әлемнің жетекші жоғары оқу орындары мен өндірістік орталықтарына тағылымдамадан өтеді.

Стипендиаттардың басым көпшілігі жаратылыстану-техникалық бағыттар бойынша шетелде даярланады.

Еске сала кетейік, биыл «Болашақ» халықаралық стипендиясын тағайындау конкурсына қатысуға өтінім қабылдау 4 лекке бөлінген. Соңғы лекке 15 қыркүйекке дейін, ал ғылыми тағылымдама бағдарламасына 13 қазанға дейін құжат тапсыруға болады.

Стипендианттар тізімімен мына сілтемеде танысуға болады.

https://turkystan.kz/article/231975-172-kazakstandyk-bolashak-stipendiyasynyn-iegeri-atandy/