14 жыл бойы іздеуде жүрген бойжеткен Астанадан табылды
Туысқандары Өзбестан азаматшасын 2008 жылдан бері іздеп жүрген.
Астана полициясы 14 жыл бұрын жоғалып кеткен Өзбекстан азаматын тапты, деп хабарлайды 08info.kz елордалық ПД-ға сілтеме жасап.
2022 жылы полицейлер елорда аумағында із-түссіз жоғалған Өзбекстанның 39 жастағы азаматын тапты. Туысқандары оны 2008 жылдан бері іздеп жүрген.
Әйел Алматыға ақша табуға келген. Содан кейін ұзақ уақыт Шымкент пен Қызылордада жұмыс істеген. Айтуынша, құжаттарын жоғалтып алғандықтан, туыстарымен байланысқа шыға алмапты.
«Осы жылдар бойы әйел әртүрлі жұмыс істеген. Үй қызметшісі, кеңселер мен дәмханаларда тазалықшы болған. 2021 жылғы шілдеден бастап Астанада жалдамалы пәтерлерде тұрған», — делінген хабарламада.