Автор: Админ

Бүгінгі таңда Жамбыл облысы бойынша Қылмыстық-атқару жүйесі департаментіне бағынысты түзеу мекемелеріндегі кітапханалардағы кітап қоры — 23 мыңнан данадан асады. Оның ішінде сүбелі шығармалар да мол.

Жуырда департаменттің сотталғандар арасында әлеуметтік-психологиялық тәрбие жұмысы тобының аға инспекторы әділет майоры Айгүл Танашева облыс орталығында орналасқан Ш.Уәлиханов атындағы облыстық әмбебап кітапхананың басшылығына хат жазып, түзеу мекемелеріндегі кітапхана қорын құнды кітаптармен толықтыруды сұраған. Өз кезегінде кітапхана басшылығы бұл өтінішті құп көріп, әртүрлі жанрдағы 100 кітапты сыйға тартыпты.

— Кітапхана қорын кітаппен толықтыру, жаңалау өңірлік ҚАЖ департаментінің үнемі назарында. Кітап сыйлаған кітапхана басшылығына алғысымызды білдіреміз. Мекемелерде сотталған азаматтарға арналған кітапхана жұмыс жасайды. Жазалы жандардың түзу жолға түсуіне – кітап өз септігін тигізетіне сенім мол, — дейді облыстық ҚАЖ департаменті бастығының орынбасары әділет полковнигі Қанат Жарылғапов.

Жамбыл облысы бойынша ҚАЖ департаментінің баспасөз қызметі

Жақында ғана Б.Момышұлы ауылындағы В.Латикант көшесінің бойында орналасқан көпқабатты үйлердің ауласына асфальт төселіп, тұрғындар үлкен қуанышқа бөленген болатын. Себебі, жазда шаң-топырақтан, көктемде батпақтан көз ашпаған жұрт үшін бұл жағымды жаңалық болды. Ал, бүгінде көпқабатты үйлердің ауласынан балалар ойнайтын ойын алаңшасы салынып, аяқталуға жақын. Көп ұзамай тұрғындардың игілігіне пайдалануға берілетін болады.

Б.Момышұлы ауылы әкімінің орынбасары Мақсұт Орымбаевтың айтуынша, жаңа балалар ойын алаңшасын «HANGAR-GROUP» жеке кәсіпкерлігі салуда. Оған қажетті қаражат та бөлінген. Одан бөлек, бұл үйлердің ауласын күл-қоқыстан тазарту және үйдің сыртын сырлау, әктеу жұмыстары қоса жүргізілуде. Мұнда «Жасыл Жуалы» КММ-сінен алты әртүрлі жұмыс жасаушы, үш техника және бес қоғамдық жұмысшы жұмылдырылған.
Жақсы істің куәсі болған көпқабатты үйлердің тұрғындарының да қуанышында шек жоқ.
– Жақында аудан әкімі Олжас Қаржауов біз тұрып жатқан көпқабатты үйдің жай-күйімен танысып, тұрғындардың арыз-шағымын тыңдаған болатын. Содан кейін үйдің маңынан асфальт төсеп берді. Талай жылдан бері шешімін таппаған бұл істің көзін жаңа сайланған аудан әкімі тапты. Қазіргі таңда әктеу-сырлау және тазалық жұмыстары қоса атқарылуда. Үйдің маңына шырай кіргізген балалар ойнайтын ойын алаңшасының салынғаны нұр үстіне нұр болды. Енді балалар ауладан алыстамай ойын ойнайтын болды. Тағы бір айта кетерлік жайт, үйдің жанындағы тозығы жеткен сарайлар және әжетханалар да сүріліп, жаңаланады деп күтілуде. Мұның өзі ауланың көркін кіргізіп, көздің жауын алатындай әдемі әрі таза болатынының белгісі, – дейді көпқабатты үйдің тұрғыны Айсұлу Битемірова.
– Біздің үйдің балалары әлі кішкентай. Бұрындары балаларымызды ойнату үшін орталық саябаққа баратынбыз. Немесе осындай алаңша үшін қалаға баратын кезіміз де болған. Бұл тек бүлдіршіндердің ғана қуанышы емес, сонымен қатар ересектердің де қуанышы. Себебі, «Балаларымыз көшеге жүгіріп шығып кете ме, көлік қағып кетер ме екен?», деп ылғи уайымдап отыратын едік. Ал, қазір өзіміздің үйдің жанынан ойын алаңшасының салынғанына дән ризамыз. Сонымен қатар, осындай игі бастаманы қолға алып, жүзеге асырған аудан басшысы Олжас Қаржауовқа алғыс білдіреміз, – дейді Дана Рысбекқызы.
– Біз бұл үйде 2010 жылдан бері тұрамыз. Үйдің жанынан бүлдіршіндер ойнайтын ойын алаңшасының салынуы тұрғындардың көңілінен шықты. Көптен күткен қуанышқа да жеттік. Енді немерелерімізді ойнату үшін, ойнайтын жер іздеп сандалып кетпейтін болдық. Басшылық балалардың сауабын алды, – дейді Гүлмира Ақылбаева.

Тәуелсіздігіміздің 30 жылдығы және Қажымұқан Мұңайтпасұлының 150 жылдық мерейтойына орай Жамбыл облысы, Т.Рысқұлов ауданы әкімдігі дене шынықтыру және спорт бөлімінің ұйымдастыруымен Құлан ауылындағы спортттық сауықтыру кешенінде 2005-2007 жылдары туылған жасөспірім қыздар арасында жазғы ойындар волейболдан аудандық іріктеу жарысы өтті.

Жарысқа аймақтардан іріктеліп 8 команда құрама қатысып, 70-тен аса жас спортшылар өзара бақ сынады.
Сайыс барысында қатысушылар өздерінің шеберліктерін дәлелдеп, тартысқа толы ойын өрнегін көрсетті.
Жарыс нәтижесінде l орынды А.Байтұрсынов атындағы мектебі, ll-орынды №1 лицей мектебі және lll-орынды №5 шағын орталықты орта мектебі иеленді.

Жарыстың жеңімпаздары мен жүлдегерлері аудандық дене шынықтыру және спорт бөлімінің дайындаған түрлі дәрежедегі медальдармен, дипломдармен және бағалы сыйлықтармен марапатталды.
Алдағы уақытта чемпион атанған команда облыстық жарыста ауданымыздың намысын қорғайтын болады.

Облыс әкімдігінің жастар саясаты мәселелері басқармасының ұйымдастыруымен 2021 жылдың 29 қыркүйегі күні «Саналы TALKS» жобасы аясында «Еңбек – ел мұраты» атты Ted-X форматында жастармен кездесу өтті.

Аталған жобаның негізгі мақсаты – бірегей идеяларды таратуға жол ашу. Талқыланатын тақырыптары әр түрлі: ғылым, өнер, дизайн, саясат, мәдениет, кәсіпкерлік, ғаламдық мәселелер, технология және ойын-сауық. Бүгінгі шара қажырлы еңбектің арқасында табысқа жеткен адамдардың тәжірибесін, еңбекқорлық құндылықтарды, ұдайы өзін-өзі жетілдіру идеясын айту арқылы еңбек етуге деген сүйіспеншілікті насихаттау, жастарды еңбекке баулу, қазақстандық патриотизмді қалыптастыру және жастардың қоғамдық жұмыстарға тартылуына мол мүмкіндіктер ашу мақсатында ұйымдастырылды.

Шараға М.Х.Дулати атындағы Тараз Өңірлік университетінің докторанты, жас ғалым — Егембердиев Дәулет Қанатұлы, «Qazaqstan jastary» ҚҚ директоры — Жұмат Бауыржан Киікбайұлы және Қазақстан Студенттері Альянсының Жамбыл облысы бойынша көшбасшысы — Рақметов Асхат қатысып өздерінің тәжірибелерімен бөлісті. Осыған дейін Саналы Talks ашық алаңында кәсіпкерлер, жас ғалымдар мен дәрігерлер, мұғалімдер мен жастар ұйымдарының басшылары, үкіметтік емес ұйым басшылар да өздерінің идеяларымен бөліскен болатын.

«Байзақ ауданы әкімдігінің ішкі саясат бөлімі» коммуналдық мемлекеттік мекемесінің «Мәңгілік Ел» жалпыұлттық  идея аясында этносаралық келісімді нығайтуға бағытталған іс-шараларды жүргізу» тақырыбындағы әлеуметтік жобаның аясында Аудандық этносаралық келісімді нығайтуға бағытталған іс-шаралар кешенін ұйымдастыру: Ауданда Қазақстан халқы Ассамблеясының  (2025 жылға дейінгі) даму Тұжырымдамасын іске асыру аясында «Тілі басқа тілегі бір, жүзі басқа жүрегі бір!» аудандық  фестивалі «»Жаңа-Ру» жастар коалициясының қауымдастығы» заңды тұлғалар бірлестігінің ұйымдастырылып өткізілді.

2021 жылдың 29 қыркүйекте Бурыл ауылдық округінде Байтақ Қазақстан жерінде 100-ден астам ұлт пен ұлыстар бір еменнің бұтағындай, бір атаның баласындай бір шаңырақ астында өмір сүріп келеді. Татулықты ту еткен мемлекетіміздің Тәуелсіздігінің 30 жылдығы аясындағы көптеген іс-шаралар жүзеге асырылып келеді. Соның ішінде «Бейбітшілік пен келісім» жобасы аясында Бурыл ауылында өткен «Халықтар достығы» фестивалі. Салтанатты шараның мақсаты ауданымызда тұратын әр ұлттың мәдениетімен, салт-дәстүрлерімен таныстырып, этномәдени шығармашылық орталықтардың жұмыстарын көрсету және жастардың шығармашылық белсенділігіне қолдау білдіру болып табылады.

Фестивальде түрлі ұлыс өкілдері Тәуелсіздік тақырыбындағы өлеңдерін оқып, әндерін орындады. Сондай-ақ Н. Тілендиевтің «Әлқисса» күйіне қойылған «Шаттық» биі, неміс, орыс, түрік, күрд билерінен шашу шашылды. Өз өнерлерін паш еткен қатысушыларға бағалы сыйлықтар мен Алғыс хаттар тапсырылды.