Таразда тауар айналымы артып келеді
Ағымдағы жылдың 6 айында бөлшек сауда тауар айналымының көрсеткіші 97 млрд. 150,2 млн. теңге көлемінде құраса, ал көтерме сауда тауар айналымының көлемі 61 млрд. 651,4 млн. теңгені құрады.
Халықтың жан басына шаққанда бөлшек сауданың көлемі 272,8 мың теңге және көтерме сауда тауар айналымының көлемі 173,1 мың теңге болып қалыптасты.
Ағымдағы жылдың есепті кезеңінде қалада 31 829 кәсіпкерлік субъектілері тіркелсе, оның ішінде 25 648 жеке кәсіпкер, 6041 шағын, 31 орта және 109 шаруа қожалығы бар.
Шағын, орта бизнес субъектілерімен өндірілген өнім көлемінің үлесі 19 млрд. 454,1 млн. теңгені құрап, жалпы өнеркәсіп кәсіпорындарымен өндірілген өнімнің 16,1% құрап отыр.
Жалпы мемлекеттік бюджетке түскен салықтар мен басқа да міндетті төлемдер бойынша шағын және орта бизнес субъектілерінің үлесі 25,5% немесе 4 млрд. 931,0 млн. теңгені құрады.
Қала бюджеті бойынша шағын және орта бизнес субъектілерінің үлесі 26,1% немесе 1 488,9 млн. теңгені құрады.