Тараз – таза өлке

Мемлекет басшысының «Таза Қазақстан» атты 5 апталық республикалық экологиялық акциясы аясында Таразда 11 сәуір мен 11 мамыр аралығындағы екінші апталығы «Киелі мекен» іс-шарасы жүзеге асырылып жатыр.

Бүгін Тараз қаласында «Киелі мекен» акциясы аясында «Жеңіс» саябағында абаттандыру жұмыстары жүргізілді. Жастар ресурстық орталығының отызға жуық маманы саябақты тазалап шықты.

Сонымен қатар, «Жасыл ел — Тараз» мекемесінің 20-дан астам жұмысшысы Қ.Тұрысов, І. Жансүгіров көшелерінде санитарлық тазалық жұмыстарын жасады.

Көше бойындағы арықтарды күл-қоқыстан тазалап, жол жиектерін де талапқа сай реттеді.

Айта кетейік, қала аумағында санитарлық-тазалық жұмыстары күн сайын жүргізілуде.