Миллионер ашкөз туыстарынан байлығын жасырудың жолын ойлап тапқан

Ер адамның айтуынша, ол шетелде оқуын бітіріп, жұмысқа орналасқанда туыстарымен алғаш рет материалдық жағдайы туралы сөйлескен. «Мені жұмысқа қабылдаған кезде бірден анама қоңырау шалдым. Оның бірінші айтқан сөзі: “қанша жалақы төлейді?» болды”, – дейді ер адам.

Жалақы аз болғандықтан ол жайлы өмір сүріп, ақшасын әрең жинай алған. Алайда ер адамның туысқандары үшін оның жалақысы үлкен cома болып көрінген. Ата-анасы балаларын тұтас байлыққа ие деп шешкен және олардың мінез-құлқы өзгеріп кеткен.

Туыстары ер адамға келуге шешім қабылдап, олардың келуіне ақы төлеуді талап етеді. Олар басқа елде болған барлық уақыт ішінде соның есебінен өмір сүрген.

«Артқа қарасам, олар маған мән бермейтінін түсіндім. Олар жай ғана демалысқа тегін барғысы келді және мені өздерінің гиді және банкоматына айналдырды», — дейді ер адам.

Содан бері ата-анасы ұлына үнемі қоңырау шалып, хат жаза бастаған. Олар ер адамнан сапарларына ақы төлеуін сұрағанымен қоймай басқа туыстарын да шақырып, оларға да баласы қамқорлық жасайды деп шешкен. Кейінірек ата-анасы ұлының университеттегі бауырларының оқу ақысын төлеуі керек деп мәлімдеген.

Ер адам туыстарымен қарым-қатынаста шекараны белгілеу керек екенін біртіндеп түсіне бастайды. Ол отбасы мүшелерімен байланысын тоқтатып, жағдайының қалай екені жайлы айтуды қояды.

Біраз уақыттан кейін ер адам өзінің жеке бизнесін бастайды. Осыдан кейін жұмыстан шығып, өз бизнесіне және басқа кәсіпорындарға ақша салып, кәсіпкерлік қызметіне ден қояды. Көп ұзамай ол байып, мультимиллионер атанады.

Алайда ер адам отбасы мүшелерінің оның жетістіктері туралы білгенін қаламайды. Оларға жұмысынан айрылғанын және материалдық жағынан қиындыққа тап болғанын айтады. Осылайша туысқандары миллионермен аз байланысып, оған жиі келуді қояды.

«Енді олар рейстерін өздері төлейді және маған сирек келеді. Шағын пәтер жалдап, сол жерде тұратынымды айттым (Негізінде пентхауста тұрамын)», — дейді ер адам.

Форум қатысушылары мультимиллионердің туыстарының ашкөздігіне таң қалып, олармен қарым-қатынасты үзуді ұсынды. Алайда ер адам отбасы мүшелерін жақсы көретінін және әрқашан оларға көмектесуге дайын екенін айтты.

«Мен олармен қарым-қатынасымызға әсер етпей, өз жетістіктеріммен бөлісе алмайтыным өкінішті. Бақытыма орай, мен отбасым деп санайтын достарым бар», — деп сөзін аяқтады миллионер. https://stan.kz/millioner-ashkoz-tuistarinan-bayligin-zhasirudin-zholin-380793/