Қазақстандық боксшы Англияда қарсыласын нокаутпен жеңді

Қазақстандық боксшы Сұлтан Зәуірбек (14-0, 9КО) Болтондағы бокс кешінде өнер көрсетті деп хабарлады turkystan.kz Кazproboxing парақшасына сілтеме жасап.

Ол аргентиналық Реукен Факундо Арсемен (15-9-2, 7 КО) жекпе-жек өткізді. Екінші жартылай жеңіл салмақтағы жекпе-жек сегіз раундқа есептелген, бірақ Зәуірбек бесінші раундта нокаутпен жеңіске жетті.

Осылайша қазақстандық спортшы кәсіпқой рингтегі он төртінші жеңісіне қол жеткізді.

Айта кетейік, Сұлтан Зәуірбектің бұған дейінгі жекпе-жегі 2022 жылы 15 сәуірде Лондонда өтіп, ол Николас Ботеллиді (14-8, 8 КО) нокаутқа түсірген болатын.

https://turkystan.kz/article/217972-kazakstandyk-boksshy-angliyada-karsylasyn-nokautpen-zhendi/