Дубай-Мәскеу рейсімен ұшқан Boeing ұшағы Каспий теңізінің үстінен апат туралы белгі берді
Дубай-Мәскеу рейсімен ұшқан ресейлік «Победа» авиакомпаниясының Boeing ұшағы Каспий теңізінің үстінен ұшу кезінде апат туралы белгі берді, — деп хабарлайды Massaget.kz тілшісі «РИА Новости«-ге сілтеме жасап.
Төтенше жағдайлар қызметі агенттігі апат сигналын берген ұшақ Астраханға сәтті қонғанын хабарлады. Зардап шеккендер жоқ.
«Дубай-Мәскеу бағыты бойынша DP992 рейсін орындаған ұшақ жүйелердің бірінің сенсорының жалған іске қосылуына байланысты «Астрахан» қосалқы әуе айлағына қонды. Ұшқыштар ұшақты штаттық режимде отырғызды», — деді авиакомпания.
Әуежай өкілінің айтуынша, ұшақтың жолаушылары аэровокзал кешенінің ғимаратына орналастырылған.
«2025 жылдың 29 қаңтарында Дубай-Мәскеу бағытымен жүретін DP992 рейсі техникалық себептерге байланысты жергілікті уақыт бойынша 19.16-да Астрахан әуежайына мәжбүрлі түрде қонды. Жолаушылар аэровокзал кешенінің ғимаратында, олармен федералды авиациялық ережелерге сәйкес авиакомпания өкілдері жұмыс істейді», — деп хабарлады әуежайда.
https://massaget.kz/news/dubay-maskeu-reysmen-ushkan-Boeing-ushagyi-kaspiy-tenznn-124618/?fbclid=IwY2xjawIHWTtleHRuA2FlbQIxMQABHdI4ZXbJfiddG1kT0ZUbPjc19bqD0I7mxfw8S6CkCQ4LvLWVgk1uZu1LKg_aem_eRMfcqG7sxereiDlTmgJ1A
Фото: depositphotos.com