Алматы тұрғындарына тауға бармауға кеңес берілді

Фото: Stan.kz

Төтенше жағдайлар департаменті ауа райының тұрақсыздығына байланысты 11 мамырда Алматы тұрғындары мен қонақтарына тауға шықпауды ескертті.

ТЖД мәліметінше, «Қазгидромет» болжамына сәйкес, 11 мамырда Алматыда найзағай, жаңбыр, кей жерлерде қатты жауын-шашын күтіледі. Сондай-ақ солтүстік-батыстан соғатын желдің жылдамдығы кей уақытта 15–18 м/с-қа дейін жетуі мүмкін.

Іле-Алатау таулы аймақтарында, соның ішінде Ақсай және Үлкен Алматы өзендерінің алаптарында жаңбыр, кей жерлерде қатты нөсер, найзағай, бұршақ және екпіні 18–23 м/с-қа дейін жететін қатты жел болжанған.

«Алматы ТЖД қала тұрғындары мен қонақтарына қауіпсіздік шараларын сақтауды және дауылды ескерту кезінде тауға бармауды ұсынады», – делінген хабарламада.

Алматыда тоқтамай жауған нөсерден көшелерді су басты: Коммуналдық қызмет күшейтілген режимдегі жұмысқа кірістіОқыңыз

 ТЖД қатты жел кезінде мынадай қауіпсіздік ережелерін ұстануды ұсынды:

• көлікті ағаштың астына қоймауға тырысыңыз;
• мүмкіндігінше үйден шықпау;
• үйде болсаңыз, терезе мен есіктерді мықтап жабу;
• балкон мен аулалардағы ұшып кетуі мүмкін заттарды жинап қою;
• сыртта болсаңыз, ең жақын ғимаратқа (подъезд, дүкен) паналау;
• жарнама қалқандарының, ағаштардың, аяқталмаған құрылыстардың астына тұрмау;
• электр желілерінің маңына жақындамау және үзіліп түскен сымдарға қол тигізбеу.

• Stan.kz ақпарат агенттігі