Рақымшылық жасау талаптары түсіндірілді
Президент Қасым-Жомарт Кемелұлы Тоқаев Қазақстан Республикасы Конституциясының 30 жылдығына орай, рақымшылық жасау туралы Заңға қол қойды.
Осыған орай Жамбыл облысы бойынша Қылмыстық-атқару жүйесі департаментіне қарасты №25 мекемесінде жазасын өтеп жатқан азаматтарға заңның шарттары мен талаптарын түсіндіру жұмыстары жүруде.
Сонымен рақымшылық кімдерге жасалады? Бұл жайында мекеме қызметкерлері сотталғандарға нақты кімдердің-қандай қылмыс жасағандардың жазадан босатылатынын немесе жаза мерзімнің қысқаратыны жайлы толыққанды мағлұмат беріп, жазасын өтеушілердің тарапынан қойылғансұрақтарға толыққанды жауап берді.