Қостанайда бір отбасының 4 адамы қайғылы жағдайда қаза тапты

Тобыл өңірінде жол апатынан бір отбасының 4 адамы қаза тапты. Қайғылы оқиға «Қостанай-Введенка» тасжолында болған, деп хабарлады turkystan.kz Astana TV-ға сілтеме жасап.

Mercedes көлігін мінген 28 жастағы жүргізуші рөлді басқара алмай, қарсы бағытқа шығып, ВАЗ-2110 көлігімен соқтығысқан. Салдарынан ВАЗ жеңіл көлігінде отырған 32 жастағы жүргізуші, 29 жастағы әйелі, 8 және 9 жастағы екі бала оқиға орнында жан тапсырды.

Оқиғаның мән-жайын анықтау үшін тергеу әрекеттері жүргізіліп жатыр.

https://turkystan.kz/article/229183-kostanayda-bir-otbasynyn-4-adamy-kaygyly-zhagdayda-kaza-tapty/