Павлодар облысында дала өртінен ондаған қой қырылып, өртеніп кетті

Екібастұз қалалық Төтенше жағдайлар басқармасы бас маманы Әдебиет Өтеповтің айтуынша, 13 шілде күні таңертең дала өрті туралы хабарлама түскен. Марғұлан атындағы ауылдың маңында құрғақ шөп өртенген. Өртті сөндіру далада соққан қатты желмен қиындап, бір тәулікке жуық уақытқа созылып, 14 шілде күні таңертең ауыздықталған.

«14 шілдеде тексеру іс-шаралары барысында даладағы өрт салдарынан Марғұлан атындағы ауылдағы «Қуаныш» шаруа қожалығының ұсақ мүйізді ірі қарасы жартылай өртеніп, көптеген қойлар да өрттен қырылғаны анықталды. «, — деп түсіндірді Өтепов.

Қазір оқиға орнында төтенше жағдайлар мамандары мен мүдделі органдар жұмыс істеуде.
Марғұлан атындағы ауылдың әкімі Бауыржан Бозтаевтың айтуынша, ауылдан 12 шақырым жердегі шалғайдағы жайылымдағы өрттен 73 бас қой өлген.

«Қатты түтін басталған кезде ұсақ малдың бір бөлігі шашырай бастады. 20-ға жуық қой бірден өртке оранды, тағы 53-і түтіннен тұншығып, қатты күйіп қалған. Өлген малдың барлығы көміледі», — деді Бозтаев.

Оның айтуынша, даладағы өрт найзағай разрядынан туындаған.

«Бұл табиғи апат. Ешқандай жаңбырсыз найзағай ойнады. Бірнеше күннен бері аптап ыстық болды. Көлеңкеде ауа температурасы 38-40 градусқа дейін жеткен. Шөптің бәрі құрғақ болды», — деді Бозтаев.

Еске салсақ, Павлодар облысында орман өртінің аумағы 850 гектарға ұлғайғанын хабарлаған болатынбыз.