Медбикелер күні аталып өтілді

Жыл сайын мамыр айының 12 жұлдызында Халықаралық медбикелер күні атап өтіледі. Жұрт бұл күні ақ халатты абзал жандарға құрмет көрсетіп, еселі еңбектеріне алғыс білдіріп жатады. Өйткені, олардың денсаулық сақтау саласында халық денсаулығын жақсарту жолындағы еңбегі ұшан теңіз. Әсіресе, осы саланың барлық сатысында мейірбикелер еңбегі айрықша көрініп тұрады.

Бұл қатардан Жамбыл облысы бойынша ҚАЖ департаментінің басшылығы да тыс қалмады. Абзал жандар күніне орай мекеме бастығы, әділет подполковнигі Ерлан Оразгелдиев, мекеме бастығының тәрбие жұмысы жөніндегі орынбасары, әділет майоры Әміржан Дәулетқұлов мекеме медициналық бөлімінің қызметкерлерін кәсіби мерекелерімен құттықтады.

Өз сөзінде Ерлан Ділдәбекұлы: «Сіздер атқарып отырған жұмыс — қайырымдылық, мейірімділік пен гуманизмге негізделген. Бұл қасиеттер медициналық ақ халат киген әрбір маманға үлкен жауапкершілік жүктейді. Әлемдегі медицина қызметкерлерінің жартысынан көбі медбике және олар денсаулық сақтау жүйесінде өмірлік маңызды қызмет атқарады. Сіздер үшін көмекке мұқтаж адамдарға шынайы қызмет ету – өмір сүру салтына айналды. Сол себепті мерекелеріңіз құтты болсын, — деді.