V-XIII ғасырға жататын монеталарды Қазақстаннан заңсыз алып өтпек болған
Алматыда шекарашылар Моңғол империясынан бері келе жатқан монеталарын алып өтпек болған заңсыз әрекетті тоқтатты.
22 қаңтарда Алматы әуежайындағы поштаны бақылау учаскесіндегі Алматы бойынша Мемлекеттік кірістер департаментінің «Жетісу» кеден бекетінің қызметкерлері Қазақстаннан АҚШ-қа антикварлық монеталар коллекциясын әкетуге жол бермеді.
Монеталар V-XIII ғасырларға жатады және Орта Азияда соғылған. Департамент басшысының орынбасары Дәурен Мұстафиннің айтуынша, табылған заттар мәдени және тарихи құндылықтар санатына жатады, оларды елден әкету Қазақстан заңнамасына сәйкес міндетті түрде декларациялауға жатады әрі уәкілетті органның рұқсаты болған жағдайда ғана алып жүруге рұқсат.
https://turkystan.kz/article/214048-v-xiii-gasyrga-zhatatyn-monetalardy-kazakstannan-zansyz-alyp-otpek-bolgan/