19 жасар жамбылдық қақтығыс кезінде ұрланған қару-жарақты үйінің маңына көміп қойған (ВИДЕО)

799

Қаңтар айында орын алған жаппай тәртіпсіздіктер барысында ұрланған қаруды анықтау мақсатында Меркі ауданы полиция бөлімінің қызметкерлері жедел-іздестіру жұмыстарын тұрақты негізде жүргізуде.

10-11 ақпанға қараған түні Жаңатұрмыс ауылының 19 жастағы тұрғынының тұрғылықты жері бойынша тінту жұмыстарын жүргізу кезінде үй маңындағы аумақтан жерге көмілген пакеттер табылды. Тексеру жұмыстары барысында пакеттерден «Калашников» маркалы 1 бірлік автомат, 3 бірлік травматикалық газ тапаншасы, автоматқа арналған 76 патрон және тегіс ұңғылы аңшылық қаруға арналған 26 патрон табылып, тәркіленді.

Ұсталған азамат өз кінәсін толық мойындады.

Аталған дерекке қатысты Қазақстан Республикасы Қылмыстық кодексінің 287-бабы 3-бөлігі бойынша сотқа дейінгі тергеу амалдары басталды. Сонымен қатар сот-баллистикалық сараптамасы тағайындалды.

Leave A Reply

Your email address will not be published.