Жас мамандардың кәсіби жетілуіне жол ашық

Асылан Әскеров — қазіргі таңда жас маман, өңірлік ҚАЖ департаментіне бағынысты ЖД-158/1 мекемесінде қызмет атқарады. Тәлімгері — тергеу изоляторы бастығының кезекші көмекшісі әділет аға лейтенанты Нұрзат Усеров.

Жас маманның одан әрі білімін жетілдіру жоспарында бар. Нұрзат мекеменің басшы құрамының жұмысты жүйелі ұйымдастыруының нәтижесінде жастардың жігерленіп, жаңа ортада өз қабілеттерін көрсетуге бар күшін салып жүргендігін айтады.

— Қызмет барысында біздер мақсат қою, жұмысты ұйымдастыра білу сияқты өзімізге қажетті дүниелерді үйренудеміз. Тәлімгерім Нұрзат Усеров бұл салада талай жыл тер төккен тәжірибелі қызметкер. Ол маған жұмыста кездесетін әртүрлі қиындықтарды еңсеруге унемі көмектесіп, ақыл-кеңесін айтады, — дейді жас маман.