Сөз зергерлері сынға түсті

15-16 сәуір күндері болашақ журналистер С.Торайғыров атындағы Павлодар Мемлекеттік Университетінде ХІ Республикалық журналистика олимпиадасы аясында сайысқа түсті.

381

Аталмыш шараға еліміздің әр өңіріндегі 17 жоғарғы оқу орнынан 51 студент келген. Білім бәсекесі 2 күнге жоспарланған.

Сайыстың ашылу салтанатында олимпиада өтіп жатқан оқу орнының ректоры Ахметова Гаухан Ғалымқызы сөйлеп, қатысушыларға сәттілік тіледі. Бірінші күні студенттер өздерін таныстырып, эссе жазса, келесі күні тест тапсырып, жедел ақпарат таратты. Оған қоса, «Ертіс өңірі менің әсерімде» атты тақырыпта 2-3 минуттық бейнеролик түсірді.

Осы орайда, жас журналистерге университет әкімшілігі қаланы аралатып, шағын экскурсия жасады. Олар Мәжһүр Жүсіп Көпеев атындағы мешіт, Бұқар жырау атындағы әдебиет және өнер музейі, Ертіс жағалауы сынды Павлодардың көрікті әрі тарихи мекендеріне барды.

Республикалық пән олимпиадасының мақсаты — болашақ мамандардың кәсіби қабілеттерін анықтау және талантты студент жастарды қолдау. Олардың кәсіптік шеберлігін көтеріп, қабілет-қарымдарының өлшем деңгейін анықтау.

Камила Долаева

ХАТУ студенті

Leave A Reply

Your email address will not be published.