Жамбылда жолаушылар пойызы рельстен шығып кетті
«Қолда бар ақпараттарға сәйкес, жолаушы пойызының 8 вагоны рельстен шығып кеткен. Зардап шеккендер бар ма, жоқ па — толық ақпарат бере алмаймын. Әкімдіктің жұмыс тобы оқиға орнына аттанды», — деді Төтенше жағдайлар жөніндегі облыстық штабтың басшысы, Жамбыл облысы әкімінің бірінші орынбасары Бекболат Орынбеков.
ҚР ІІМ Төтенше жағдайлар комитетінің ресми өкілі Руслам Иманқұловтың айтуынша, құтқарушылар оқыс оқиға болған жерге бара жатыр. ҚТЖ бұл апат туралы әзірге пікір білдірген жоқ.