Қазақстанда алғашқы екі науқас айықты
Қазақстанда COVID-19 вирусын жұқтырған екі емделуші жазылды. Бұл туралы бүгін арнайы баспасөз мәслихатында Ақпарат және қоғамдық даму министрі Дәурен Абаев айтты.
Министр Д.Абаев коронавирустан айыққан 2 науқас ертең ауруханадан шығатынын жеткізді.
Денсаулық министрлігі мен барлық денсаулық сақтау саласы қызметкерлеріне барша халықтың атынан алғыс айтқан Д.Абаев алдағы уақытта науқастан айығушылар көбейеді деген үміт білдірді.