Жапониямен спорт саласындағы ықпалдастықты өркендетуге әзірміз – Тоқаев

Ақорда

Жапониямен спорт саласындағы ықпалдастықты өркендетуге әзірміз – Тоқаев: 20 желтоқсан 2025, жаңалықтар Turkystan.kz
Мемлекет басшысы бұл туралы Токиода өтіп жатқан «Орталық Азия-Жапония» саммитінде Жапониямен спорт саласындағы ықпалдастықты өркендетуге әзір екенін баса айтты.

Сонымен қатар, Қасым-Жомарт Тоқаев Қазақстан 2027 жылы дзюдодан Әлем чемпионатын өткізу құрметіне ие болғанын атап өтті.

«Біз спорт саласындағы ықпалдастықты өркендетуге, ең әуелі жапонның дзюдо, сумо және кэндо секілді дәстүрлі жекпе-жек өнер түрлерін дәріптеуге әзірміз.

Қазақстан 2027 жылы дзюдодан Әлем чемпионатын өткізу құрметіне ие болды.

Бұрнағы күні мен қазақтан шыққан белгілі сумошы Кимбозан Харукимен (Ерсін Балтағұл) таныстым.

Тығыз мәдени-гуманитарлық байланыстарымыз алдағы уақытта да халықтарымыз арасындағы өзара түсіністік пен достықты нығайтуға қызмет ете береді деп сенемін», – дейді Президент.

Толық нұсқасына гиперсілтеме беруді ұмытпаңыз: https://turkystan.kz/article/273168-zaponiiamen-sport-salasyndagy-yqpaldastyqty-orkendetuge-azirmiz-toqaev