Жаңа аулалар ашылды
Мемлекеттік рәміздерді құрметтеу – әрбір қазақстандықтың қасиетті мнідеті. Рәміздерді дәріптеу патриотизмді арттыруға, ел тарихы мен мәдениетіне құрметпен қарауды үйретеді. Осы мақсатта Астана қаласында Мемлекеттік рәміздер күніне орай жаңа аулалар ашылды. Байқоңыр ауданын Ш.Иманбаева көшесі 8-үй, Бөгенбай даңғылы 56-үй, А.бараев көшесі 13-үй, С.Сейфуллин көшесі 65/1-үй, А.Сембинов көшесі 24-үй мекенжайлары бойынша жаңа аулалар пайдалануға берілді.
Аудан әкімдігінің ұйымдастыруымен өткен ауқымды жиын мерекелік көңіл күймен басталды. Бұдан бөлек, «Әр үйдегі Ту» акциясы аясында тұрғын үйлердің терезелері мен балкондарына Мемлекеттік Ту ілінді және үрмелі оркестрдің сүйемелдеуімен Қазақстан Республикасының Әнұраны орындалды.
Мерекелік іс-шараға аула тұрғындары мен қонақтар көп жиналды.
«Мемлекеттік рәміздер күнімен құттықтаймын! Елімізде тыныштық болсын, халқымыз өркендесін! Бұл аула ересектер мен балаларға арналған демалыс орнына айналды. Тұрғындар атынан алғысымды білдіремін. Ең бастысы, балаларымыз бақытты болсын!» – деді 76 жастағы тұрғын Сәуле Бакеева.
Іс-шара барысында аниматорлар ойын-сауық бағдарламаларын ұйымдастырып, тұрғын үй кешендерінің кішкентай тұрғындары үшін турнирлер өткізумен жалғасты. Патриоттық әндер шырқалды. Аудан басшысы Ерлан Жаулыбаев әр ауланы аралап, тұрғындарды мерекемен құттықтады.
«Бүгін біздің үйдің қасбетінде алғаш рет Мемлекеттік Ту ілінді. Бұл – біз үшін үлкен қуаныш. Көңіл күйіміз керемет. Ойын алаңдары да жаңартылуда және өзіміз жаңа үйге көшкендей әсерде жүрміз. Мереке құтты болсын! Ең бастысы, елімізге амандық пен жақсылық тілеймін!» – деді елорда тұрғыны Мақпал Ештанаева.
https://turkystan.kz/article/225338-zhana-aulalar-ashyldy/