Жамбыл облысындағы жарық беруші мекеме тұрғындардан артық төлем алып келген
Жамбыл облысындағы жарық беруші мекеме жұрттың қалтасын қағып, 348 миллион теңгеден астам пайда тапқан.
Облыстық прокуратураның араласуымен бүгінгі күнге дейін оның 120 миллион теңгесі халыққа қайтарылды.
Қайсар Бекмұратов, Жамбыл облысы прокурорының аға көмекшісі:
– Жамбыл жарық сауда – 2030 ЖШС-нің іс әрекетінде заңбұзушылықтар анықталды. Жамбыл жарық сауда табиғи монополиялары туралы заңнама талаптарын бұза отырып, электр қуатын тасымалдау бойынша өтемақы алған. Ықпал ету актілерін қарау нәтижесімен электр қуатын тарифі киловатт үшін 16,72 теңгеден 16,17 теңгеге дейін төмендетілді.