Түзеу мекемесіне телефон алып өтпекші болған
Түзеу мекемелерінің қатаң тәртібіне кереғар, заңға томпақ әрекеттер азаяр емес. Жуырда Жамбыл облысы бойынша Қылмыстық-атқару жүйесі департаментіне бағынысты №25 мекемесіне тыйым салынған зат алып өтпекші болған азаматшаның ісі әшкереленді.
Бұл жолы амалын асырмақ болып айлаға барған азамат мекеме аумағына телефон алып өтпекші болған. Аталған зат мекеме тексеру тобының қызметкерлері жазасын өтеушімен кездесуге келген азаматтың жеке заттарын жіті тінтуі кезінде табылған.