Атырау облысында жол апатынан қаза болғандардың саны артқан. Соңғы кездегі статистикалық деректер – адам шошырлық, деп хабарлайды 08info.kzпорталы AtyrauPress-ке сілтеме жасап.Атырау облыстық департамент бастығының бірінші орынбасары полиция полковнигі Абдіғани Тойшыұлы Сейдуалиев және ҚР Прокуратурасының құқықтық-статистика және арнайы есепке алу комитетінің Атырау облысы бойынша департаментінің бастығы Ғалымжан Сайділлаұлы Құсан төрағалық етуімен жиын өтті. «Жыл басынан бері облыс тас жолдарында 41 жол-көлік оқиғасы тіркеліп, 10 адам қаза тауып, 48 адам әртүрлі дене жарақатын алған. Қаза тапқан 10 адамның барлығы қала сыртындағы тас жолдарда орын алған жол апаттарының салдарынан болған. Өткен жылдың осы кезеңімен салыстырғанда жол-көлік оқиғасы -14,6%, қаза тапқандар саны саны -37,5%, жарақат алғандар -35,5% төмендеген. Жол-көлік оқиғаларының басты себебі басып озу және жылдамдықты шамадан тыс асыру болып отыр», — деді департамент бастығының бірінші орынбасары полиция полковнигі Абдіғани Тойшыұлы Сейдуалиаев. Жол апатына негізгі себеп жылдамдықты асыру деп түсіндірді полиция полковнигі Абдіғани Тойшыұлы Сейдуалиаев. Абдіғани Тойшыұлы Сейдуалиаев. «ҚР Президенті Қасым-Жомарт Тоқаевтің 2023 жылғы 30 маусымдағы «ІІО-ның жедел қызметтік жұмысы туралы» кеңесінде атйқан тапсырмаларын орындау үшін Бас Прокуратураға айла-шарғыларыға жол бермеу жөнінде жүйелі шаралар қабылдауды тапсырды. Осыған байланысты «нөлдік төзімділік» және «жазаның бұлтартпастығы» қағидаттарын сақтау, айла-шарғы жасау фактілерін азайту, ЖКО-ны есептен жасырудың барлық фактілері бойынша дұрыс құқықтық ақпаратты қамтамасыз ету мақсатында аталған бағытта жауапкершілікті арттыру үшін электрондық ақпараттық есепке алу құжатын сотқа дейінгі тергеп тексерудің бірыңғай тізіліміне енгізуді Ішкі істер органдарының әкімшілік полициясының бөлімшелеріне емес жол-көлік оқиғасы орнына жеткен немесе қатысқан қызметкерге жүктелінуді қамтамасыз ету тәжірибесін бастауды ұсынамын», — деді ҚР Прокуратурасының құқықтық-статистика және арнайы есепке алу комитетінің Атырау облысы бойынша департаментінің бастығы аға әділет кеңесшісі Ғалымжан Сайділлаұлы Құсан.
