Студенттердің шәкіртақысы 50 пайызға өседі – Ғани Бейсембаев

Оқу-ағарту министрі Ғани Бейсембаев мемлекет басшысына Ауыл мектептерін дамыту тұжырымдамасын таныстырды деп хабарлады turkystan.kz.

«Биыл техникалық және кәсіптік білім алушы студенттердің 80 пайызы тегін оқиды. Қыркүйек айынан бастап олардың шәкіртақысы 50 пайызға, ал келесі жылы 100 пайызға артады. Кәсіпорындар колледж түлектерін міндетті түрде жұмысқа орналастыру шартымен мамандарды мақсатты даярлау ісіне алғаш рет атсалысып отыр», – деді министр.

Естеріңізге сала кетсек, бүгін Президент Оқу-ағарту министрі Ғани Бейсембаевты қабылдады. Мемлекет басшысына мектепке дейінгі, орта, техникалық және кәсіптік білім беру салаларын дамыту үшін қабылданып жатқан шаралар жөнінде мәлімет берілді.

https://turkystan.kz/article/226426-studentterdin-shekirtakysy-50-payyzga-osedi-gani-beysembaev/