Шаһар басшысы аудандардың ахуалы назардан тыс қалмайтынын жеткізді
Тараз қаласының әкімі Бақытжан Орынбековтің төрағалығымен кезекті аппараттық кеңес өтті. Басқосу барысында әуелі «Әулиеата» ауданы әкімінің міндетін атқарушы Медет Нұрмаханов атқарылған жұмыстар туралы баяндады.![]()
– «Әулиеата» ауданының аумағымен танысу жұмыстары тұрақты жүргізілуде және ауданның жаңа төлқұжаты дайындалды. Жалпы ауданда 13 шағын аудан, 997 көпқабатты үй, 7 саяжай алқабы, 18 тұрғын үй алабы, 487 көше, 158 бұрылыс, 365 аялдама, 29 619 жеке үй бар. Сонымен қатар, ауданы әкімі аппаратының күнделікті халыққа ауданның тыныс-тіршілігін, хабарламаларын және басқа ақпараттарын жеткізіп отыру үшін ресми инстаграм және фейсбук әлеуметтік парақшалары ашылып, тұрақты жұмыс жүргізілуде.![]()
Сонымен қатар «Әулиеата» ауданы, Сыпатай батыр көшесінің тұрғындарымен кездесу өтіп, тұрғындар тарапынан қойылған сұрақтар бойынша тиісті жұмыстар қолға алынуда. Сондай-ақ биыл аудан аумағындағы 36 көше орташа, 19 көше мен 5 жаяу жүргіншілер жолы ағымды жөндеуден өтеді деп жоспарлануда. Бұған қоса биыл 13 көше жарықтандырылады, – деген Медет Сәбитұлы бұл бағыттағы жұмыстар үздіксіз жалғасатынын жеткізді.![]()
Сонымен қатар «Әулиеата» ауданы, Сыпатай батыр көшесінің тұрғындарымен кездесу өтіп, тұрғындар тарапынан қойылған сұрақтар бойынша тиісті жұмыстар қолға алынуда. Сондай-ақ биыл аудан аумағындағы 36 көше орташа, 19 көше мен 5 жаяу жүргіншілер жолы ағымды жөндеуден өтеді деп жоспарлануда. Бұған қоса биыл 13 көше жарықтандырылады, – деген Медет Сәбитұлы бұл бағыттағы жұмыстар үздіксіз жалғасатынын жеткізді.
Келесі кезекте «Жібек жолы» ауданы әкімінің міндетін атқарушы Ержан Данаев қолға алынған жұмыстарды тілге тиек етті.
Сондай-ақ жиында мемлекеттік сатып алу конкурстарының өткізілуі, 2025 жылдың қаңтар-наурыз айларының қорытындысымен Тараз қаласы бюджетінің болжамды орындалуы, ҰОС Жеңістің 80 жылдығын мерекелеу, қала аумағында жаңадан салынатын және салынған нысан автотұрақтарының заңнамаға сәйкес абаттандырылуы, қала аумағындағы жер учаскелерін есепке алу, көпқабатты тұрғын үйлерді қайта жаңғырту, Тараз қаласының этносаралық ахуалы, білім мекемелеріндегі қауіпсіздікті қамтамасыз ету, шаһарда іске асырылып жатқан инвестициялық жобалар және тағы да басқа мәселелер қаралды.
Кеңесті қорытындылаған шаһар басшысы аудандардың ахуалы назардан тыс қалмайтынын жеткізіп, күн тәртібіндегі әрбір мәселе бойынша нақты тапсырмалар жүктеді.