Ресейде жоғалып кеткен бала Павлодар облысында табылды

Павлодар облысының полициясына Ресей Федерациясының Красноярск қаласының тұрғынынан өтініш түскен.

Ер адам кәмелетке толмаған ұлының орналасқан жерін анықтауға көмек сұраған. Әкесінің айтуынша, осы жылдың 5 ақпанында 11 жасар ұлы әдеттегідей мектепке кеткен, алайда бала үйіне оралмаған. Мектептегі достары сыныптасының қайда кеткенін түсіндіре алмаған.

«Баланы іздеу үшін ауқымды іздеу шараларын қолдандық. Бағдарлар облыстың және жақын өңірлердің барлық аумақтық бөлімшелеріне бағытталды. Нәтижесінде 12 ақпанда анасы мен баласының Шарбақты ауданындағы ағасының үйінде екені анықталды», – деп хабарлады облыстық полиция департаментінде.

Полиция ерлі-зайыптыларды ресми түрде екі жыл ажырасып кеткенін анықтады. Көрші мемлекет сотының шешімі бойынша кәмелетке толмаған баланың тұрғылықты жері ата-анасының екеуінде де біркелкі анықталған. Алайда, анасы бұл шешіммен келіспей, басқа мемлекетке туыстарына кетуге шешім қабылдаған. Ол өзінің шешімі туралы баланың әкесіне хабарламаған.

Қазіргі уақытта кәмелетке толмағанның орналасқан жерін анықтау туралы іздестіру бастамашысына хабарланды. Ал әкесіне ұлының тұрғылықты жерін анықтау үшін азаматтық тәртіпте сотқа жүгіну ұсынылды.

фото: Istockphoto

https://turkystan.kz/article/255993-reseide-zhogalyp-ketken-bala-pavlodar-oblysynda-tabyldy