Мемлекет басшысы көрнекті жазушы Дулат Исабековтің отбасына көңіл айтты
Бұл туралы Ақорданың баспасөз қызметі хабарлады
Дулат Исабекұлы ұлағатты ғұмырын ұлт әдебиетіне арнаған, тағылымды туындыларымен оқырман санасына шамшырақ бола білген нағыз дегдар тұлға еді.
Халқымыздың рухани әлемін байытуда, ұлттық прозамыздың көкжиегін кеңейтуде аянбай тер төгіп, өнегелі өмір сүрді. Қуатты қаламынан туған сүбелі шығармалары, драмалық еңбектері әлем сахналарын бағындырып, дүние жүзіне киелі сөз өнерімізді дәріптеді.
Соңына әдеби мол мұра қалдырған Дулат Исабекұлының жарқын бейнесі мен ардақты есімі халқымыздың жүрегінде мәңгі сақталады. Марқұмның иманы саламат, жаны жәннатта болсын, – делінген жеделхатта.
фото: Президенттің баспасөз қызметі
https://turkystan.kz/article/256313-memleket-basshysy-kornekti-zhazushy-dulat-isabekovtin-otbasyna-konil-aitty