Маңғыстауда 1 мың гектар жер мемлекетке қайтарылды
Меншік иесіне жер заңнамасын бұзушылықтарды жою туралы нұсқама берілгенімен, ол бір жыл ішінде орындалмаған
Жер учаскесі кәсіпкерге шаруа қожалығын жүргізу үшін берілген, бірақ ұзақ уақыт бойы мақсатына сай пайдаланылмаған, деп хабарлады Ауыл шаруашылығы министрлігінің баспасөз қызметі.
Маңғыстау облысының Жер ресурстарын басқару департаменті жүргізген жоспардан тыс тексеру барысында жердің пайдаланылмауы анықталды. Меншік иесіне жер заңнамасын бұзушылықтарды жою туралы нұсқама берілгенімен, ол бір жыл ішінде орындалмаған. Осыған байланысты сот шешімімен меншік иесіне әкімшілік айыппұл салынды.
Департамент жер учаскесін мәжбүрлеп қайтару үшін сотқа талап арыз берген, нәтижесінде Маңғыстау облысының «Отеу-Бақай» жерінде 1000 гектарға жуық жер мемлекет меншігіне қайтарылды.
https://turkystan.kz/article/254729-mang-ystauda-1-myn-gektar-zher-memleketke-kaitaryldy