«Қыздың қатысы жоқ істі жабу үшін одан 30 миллион теңге сұраған»: Астана полициясы қызды ұрлады деп айыпталды
Фото: Ulysmedia
18 жасар Әмина елордада есірткі тасымалдаушы жігітті кездестірген. Анасы Әсемгүлдің айтуынша, қыз оның есірткі тасымалдаушы екенін білмеген және 18 маусым күні полиция жас жігітті ұстаған күні ол Әминамен бірге қыдырып жүрген. Сондықтан екеуі де ұсталып, полиция бөліміне жеткізілген.
«Ол Италия азаматы болғандықтан, оған адвокат берілмеді және елшілікке хабарланбады. Олар маған хабарлаған да жоқ. Мен оны бір күннен аса іздедім», — деді Әсемгүл.
Айта кетейік, Әминаның бойында есірткі болмаған. Бұл құжатталған. Оған «қорғауға құқығы бар куә» мәртебесі берілді. Ол орыс тілін күнделікті деңгейде меңгергендіктен, бұл терминнің мағынасын толық түсінбей, құжатқа қол қойды. Осыдан кейін оны «құпия пәтерге» алып кеткен.
«Сол сәттен бастап бірінші минуттан-ақ полиция қызметкерлері оған психологиялық және физикалық қысым жасаған. Күш қолданып, қолдарын бұрап, оны тінту және тексеру кезінде оның нашақор және есірткі «сатушы» айыптарына көндірмек болған. Алайда сараптама қанынан алкоголь барын анықтаған жоқ», — деді анасы Әсемгүл.
Ананың айтуынша, куәгерлерді «қорғауға» арналған пәтер адамдардан айғақтар мен мәжбүрлі мойындаулар алу үшін азаптау мен қорқытуға арналған пәтерге айналған. Әмина сонда 16 күн болған.
«Тергеуші түсіндірме алғаннан кейін оны босатып жіберді, бірақ полиция бөлімшесінен шықпай тұрып, Әминаны ұрлап, азаматтық киімдегі офицерлердің бірі оны көлікке отырғызған. Іс материалдарында қыз 16 күн бойы іс-түссіз кеткен», — деді қыздың анасы.
Әсемгүл қызын «тұтқыннан» босату үшін барлық құзырлы органдарға жүгінгенін, құқық қорғау органдарына хабарласуға тырысқанын, бірақ мұның бәрі нәтижесіз болғанын айтты. Сондай-ақ анасының айтуынша, полицейлер қызды босатып, істі жабу үшін одан 30 миллион теңге талап еткен.
«Құпия пәтерде» ауыр атмосфера болды. Барлық жерде кептірілген қан. Есіктер сынған. Көптеген бейтаныс адамдар, азаматтық киім киген полицейлермен 16 күн бойы жалғыз болды. Оны полиция бөлімшесінен ұрлап әкетті деп айта аламыз. Қызыма тамақ, керек нәрсенің бәрін алып кел деді. Мен сонда бардым, қызымды көрдім. Оның өңі өте нашар көрінді. Полиция бізге сөйлесуге 15 минут берді. Осы құпия пәтерде қызметкерлердің бірі қызымды зорламақ болған. Амина ас үйге жүгіріп барып, өзін қорғау үшін пышақ алған. Сосын ол оған жақындаса, өзін өлтіретінін айтып, білектерін кесіп тастаған», — деді анасы.
Фото: Ulysmedia
Соңында бұл іске Италия елшілігі араласқаннан кейін ғана қыз босатылған. Әмина шыққан соң психиатрға қаралып, оған депрессия диагнозы қойылды. Анасы бұл оқиғадан кейін қыз әлі есін жимағанын айтады.
Әминаның мүддесін адвокат Әлібек Секеров қорғаған. Ол полицияның келесі заң бұзушылықтарға жол бергенін хабарлады:
1) Пәтерде ұстау
«Егер оған шынымен қауіп төніп тұрса, қауіпсіз үй пайдаланылады. Ол кезде қандай қауіп болды? Ол 18 маусым мен 4 шілде аралығында осы пәтерде ұсталды».
2) Қылмыстық сот ісін жүргізу тіліне қатысты талаптарды бұзу.
Әмина Қазақстанда тек 2-сыныпты және қазақ тілінде оқыған. Ал іс өзі нашар сөйлейтін орыс тілінде жүргізіліп жатыр. Бұл Қылмыстық іс жүргізу кодексінің 30-бабын бұзу. Сот ісін жүргізу тілін бұзу.https://stan.kz/kizdin-katisi-zhok-isti-zhabu-ushin-odan-30-million-ten-389674/