Құтқарушылар Меркідегі жоғалған шопанды тапты

Бүгінгі тағы бір жақсы жаңалық. Меркі ауданында қойшыны іздеу жұмыстары сәтті аяқталды. Естеріңізге сала кетейік, 13 желтоқсан күні сағат 03:40-та Меркі ауданы, Тәтті ауылының маңында шопанның адасып кеткені туралы хабарлама келіп түсті. Ер адамды іздеуге №9 өрт сөндіру бөлімінің ТЖ бөлімінің күштері мен құралдары жедел жөнелтілді (2 бірлік техника және 7 адам жеке құрам). Ер адам құтқарушылардың күшімен 10 сағаттан кейін табылып, одан әрі ол өзінің фазендасына жеткізілді. Медициналық көмекті қажет етпеді.

Құрметті азаматтар!Қауіпсіздік шараларын сақтауларыңызды сұраймын. Сондай-ақ, біз сіздерді дауылдық ескертулерге мән беріп, ауа-райы құбылып, нашар көріну, қар мен боран жағдайында шығуға шұғыл қажеттілік болмаса алысқа жолға шықпауға шақырамыз. Өрт немесе төтенше жағдай кезінде шұғыл “101” және “112”нөмірлеріне қоңырау шалыңыздар.