Құрметті Тараз қаласының тұрғындары!

Ауыл шаруашылығы өнімдерінің қолжетімділігін қамтамасыз ету мақсатында «Grand bazaar» сауда кешенінде ауыл шаруашылығы өнімдерінің жәрмеңкесі өтіп жатыр.

Жәрмеңкеде Байзақ, Жамбыл, Жуалы, Шу аудандары мен Тараз қаласы тауар өндірушілерінің өнімдері сатылады.

Жәрмеңкеде жалпы құны 32,4 млн. теңгені құрайтын 52,7 тонна ауыл шаруашылығы тауарлары ұсынылуда. Оның ішінде 7,0 тонна ет (жылқы, сиыр, қой және тауық еті), 2,0 тонна шұжық өнімдері, 3,6 тонна сүт өнімдері, 6 мың дана жұмыртқа, 0,5 тонна кондитерлік өнімдер мен 2,4 тонна макарон өнімдері, 0,6 тонна балық, 2,0 тонна ұн, 1,6 тонна бал және 33,0 тонна жеміс-жидек пен көкөніс өнімдері бар.

Аталған жәрмеңке облыстың тауар өндірушілеріне өз тауарларын делдалсыз, тікелей тұтынушыларға сатуға мүмкіндік береді.

Құрметті қала тұрғындары! Келіңіздер, күзгі жиын-терін өнімдерін төмен бағада алуға үлкен мүмкіндік.