Қос азамат қоғам алдында екінші мүмкіндік алды

Жамбыл облысы бойынша Қылмыстық-атқару жүйесі департаментіне бағынысты ЖД-158/2 мекемесінде жаза мерзімінің аяқталуына байланысыты М.К. және П.Б. есімді екі азамат бостандыққа шықты. Оларды мекеме қақпасы алдынан туыстары қарсы алды.

Өз сөзінде бостандыққа шыққан азаматтар мекеме бассшылығы мен босатылатын сотталғандарды еңбекпен және тұрмыстық орналастыру жөніндегі инспекторы, аға лейтенант Кәмшат Әбдімомыноваға алғыстарын айтып, ақжарма тілектерін қағаз бетіне түсірді. Сонымен қатар, жазасын өтеу кезінде жасаған қателіктерін толық түсініп, түзелгенін, қоғамға қайта қосылып, ендігі кезекте заң бұзбауға уәде берді.

Сонымен қатар, босап шыққан азаматтар жұмыспен қамту орталығынан жұмысқа орналасуға жолдама алып,  оларға мемлекет тарапынан әлеуметтік-құқықтық көмек көрсетілетіні, бостандықта білімін жетілдіріп, денсаулығын нығайтуға мамандар қол ұшын созатыны түсіндірілді.

Ал, бостандыққа шыққан азаматтың бауыры ағасының жазасын өтеу кезінде заң алдындағы ағаттығын ұғынуына септік болған мекеме басшылығына алғысын айтып, ізгі тілегін жазбаша түрде ұсынды. Сондай-ақ, ҚАЖ қызметкерлеріне бауырының түзу жолға түсуіне тағы бір мүмкіндік бергендері үшін разылығын жеткізді.