Көкшетауда мұздың астына түсіп кеткен 3 бала аман қалды

Ақмола облысы ТЖД

https://turkystan.kz/article/271127-koksetauda-muzdyn-astyna-tusip-ketken-3-bala-aman-qaldy
Көкшетауда 2016, 2017 және 2018 жылы туған үш бала Қылшақты өзенінің жұқа мұзында ойнап жүріп, мұздың астына түсіп кеткен, деп хабарлайды turkystan.kz.

ТЖД мәліметінше, оқиғаның ауыр зардаптарының алдын алуға куәгердің жедел әрекеті себеп болды. Ол балаларды дер кезінде құтқарып, оларды келген жедел жәрдем бригадасына тапсырған. Орта дәрежеде тоңу белгілері бар балалар көпсалалы облыстық балалар ауруханасына жеткізілді. Медициналық тексеру және қажетті процедуралардан кейін олар үйлеріне амбулаторлық емделуге жіберілді.

Қазір ТЖД қызметкерлері балаларды құтқарған адамды мемлекеттік наградаға ұсыну үшін іздестіруде.

Осы уақытта облыс тұрғындары жұқа мұздың қауіптілігі туралы құтқарушылардың ескертуін елемеуді жалғастыруда. Тек соңғы төрт күннің ішінде жұқа мұзға шығу бойынша ҚР ӘҚБтК-нің 412-бабы бойынша 35 адам әкімшілік жауапкершілікке тартылды.

Есте сақтаңыздар: мұздың қауіпсіз қалыңдығы бір адам үшін – кемінде 10 см, ал адамдар тобы үшін – 20 см болуы қажет.

Толық нұсқасына гиперсілтеме беруді ұмытпаңыз: https://turkystan.kz/article/271127-koksetauda-muzdyn-astyna-tusip-ketken-3-bala-aman-qaldy