Халықаралық Әулие-Ата әуежайы жылына 650 мың жолаушыға қызмет жасай алады

«Халықаралық Әулие-Ата әуежайы» АҚ 2000 жылы ашылған.
2011 жылдан бері «SCAT» авиакомпаниясы» АҚ әуежайға 100% иелік етуде.
2015 жылы Әулие-Ата әуежайына қайта жаңарту жүргізіліп, заманауи талаптарға сәйкестендірілді.
Бүгінде 250-ге жуық қызметкер жұмыс атқаруда.
Аумағы 6 800 шаршы метр құрайтын жолаушылар терминалы бір мезетте 3 рейс ұшу және қону (сағатына 600 жолаушыға дейін) операцияларын орындап, Әулие-Ата әуежайы жылына 650 мың жолаушыға қызмет жасай алады.
Әуежайдан 2024 жылы 214 928 жолаушы, 68,9 тонна жүк тасымалданып, тұрақты негізде Астана, Алматы және Атырау қалалары бағыттарында әуе рейстері орындалуда.
ҚР Көлік министрлігі Азаматтық авиация комитеті тарапынан «Алматы-Тараз-Алматы» және «Тараз-Атырау-Тараз» әуе бағыттары субсидияланады. Билет құны Алматыға 16 000 тг., Атырауға 28 000 тг. құрайды. Ал, «Тараз-Астана-Тараз» әуерейсі коммерциялық болып табылады.