«Қазфосфат» ЖШС қызметкерлеріне баспаналы болуға көмегін береді.
«Қазфосфат» ЖШС басшылығы өз қызметкерлеріне Отбасы банктегі бастапқы жарнаны жинап, пәтер алуға көмегін беру туралы шешім қабылдады.
Яғни қызметкер баспана алу үшін банкке үйдің жарты ақшасын салуы қажет. Оның 25 % өзі жинаса, қалған 25 % -ға дейінгі қаражатты Компания қолдауымен жинақтап, салуға мүмкіндік бар. Содан кейін бірден банктен жылдық 8,5% мөлшерлемемен (одан әрі 5%-ға дейін төмендейді) аралық заем алып, көптен күткен тұрғын-үйге қол жеткізе алады.
Бұл әлеуметтік қолдау «Қазфосфат» компаниясы қаржы департаменті қызметкерлерінің еңбегі нәтижесінде іске асты.
«Қазфосфат» ЖШС мен Отбасы банк арасындағы ынтымақтастық туралы меморандумға 2022 жылдың 18 қазанында, «Аммофос-2» минералды тыңайтқыштар шығаратын жаңа цехының ашылуы барысында қол қойылды.
Бүгінде «Қазфосфатта» 7174 адам қызмет етуде. Олар біздің басты құндылығымыз және компанияның өркендеуінің негізгі драйвері болып отыр.
«Қазфосфат» ЖШС