Қазақстанда тұрғын үйді сатып алу туралы алдын ала келісімшарт жасасуға тыйым салынбақ

Құрылыс саласындағы бақылауды күшейту және құрылыстың ұзаққа созылу тәуекелдерін азайту үшін заңнамаға жаңа түзетулер әзірленді.

Тұрғын үй сатып алудың алдын ала шарттарына тыйым салу жоспарлануда. Бұл үлестік қатысудың толыққанды шартын жасамай, құрылыс салушыларға ақша салатын үлескерлерді алаяқтықтан сақтауға мүмкіндік береді.

Құрылыс салушылардың жауапкершілігін арттыру үшін құрылысты одан әрі тоқтата тұра отырып, үлескерлердің қаражатын заңсыз тартқаны үшін айыппұлды ұлғайту көзделеді.

Қазір бұл түзетулер мәжілісте қаралуда.

Биыл инженерлік желілерсіз тұрғын үй объектілерін жобалауға және салуға тыйым салынды.

Нүктелік құрылыспен күресу үшін 2024 жылдың қаңтарынан бастап енгізілетін бірыңғай қала құрылысы сараптамасының тетігі әзірленді. Енді әзірленген және түзетілген қала құрылысы жобалары кадастрдың ақпараттық жүйесінде міндетті тіркеумен кешенді сараптамадан өтеді.

Бақылаудың жаңа тетігі – жедел ден қою шарасы енгізілуде.

Астанада 2023 жылдың басында 4 мыңнан астам үлескердің қатысуымен 16 проблемалық нысан аяқталмай қалды. Биыл 3600-ге жуық үлескер пәтер кілтін алды. Қалған үлескерлер кілттерді 2024 жылдың бірінші жартыжылдығында алады.

Жалпы Астана бойынша соңғы жылдары мемлекеттің қатысуымен 120-дан астам проблемалы көппәтерлі тұрғын үйлердің құрылысы аяқталды.

https://stan.kz/kazakstanda-tyrgin-uydi-satip-alu-turali-aldin-ala-keli-393118/