Қазақстанда аязды ауа райы сақталады

On Ноя 29, 2022

Синоптиктер Қазақстанда 2022 жылдың 30 қарашасына арналған ауа райы болжамын ұсынды, деп хабарлайды Zakon.kz.

«Қазгидромет» республикалық мемлекеттік кәсіпорнының мәліметінше, республиканың басым бөлігі алдағы уақытта да суық солтүстік антициклонының ықпалында болады, онымен бірге ашық әрі аязды ауа райы сақталады. Атмосфералық фронттардың өтуімен солтүстік-батыста, солтүстікте — қар. Республиканың оңтүстігі мен оңтүстік-шығысында жауын-шашын күтіледі.

Ел аумағында жел күшейеді деп күтілуде.

Солтүстік-батыста, солтүстікте бұрқасын, оңтүстіктің таулы аймақтарында, оңтүстік-шығыста тұман, көктайғақ болады.

Солтүстікте, шығыста, Жетісу облысының Алакөл көлдері аймағында өте қатты жел күтіледі – 30 м/с және одан жоғары.

Түркістан облысының таулы және тау бөктеріндегі аймақтарында қатты жауын-шашын күтіледі. Жамбыл облысында қалың қар жауды.

Астанада – көшпелі бұлтты, жауын-шашынсыз. Шығыстан соғатын жел түнде 3-8 м/с, күндіз 9-14 м/с. Ауа температурасы түнде -17-19°С, күндіз -11-13°С.

Алматыда көшпелі бұлт шығады, таңертең және күндіз кей уақытта жауын-шашын болады. Түнде және таңертең тұман. Жел 3-8 м/с. Ауа температурасы түнде -3-5°С, күндіз +2+4°С.

Шымкентте күн бұлтты, өткінші жауын-шашын, тұман, көктайғақ. Оңтүстік-батыстан 8-13 м/с жел соғады. Ауа температурасы түнде 0,+2°С, күндіз +4+6°С.