ҚАЛА ӘКІМІ Д.БОРСЫҚОВТЫҢ ҚАЛА КҮНІНЕ ОРАЙ ҚҰТТЫҚТАУЫ
Құрметті қала тұрғындары мен қала қонақтары!
Қаламызды шырайға бөлеген шуақты мереке – Қала күні құтты болсын!
Біздің келбетті де әсем қаламыз қәзіргі таңда көркейіп келеді, Жаңатас – осы артта қалған 54 жылда үлкен даму мен өркендеу жолынан өтті. Осы кезеңде шыдамдылықты серік, төзімділікті көрік етіп, бірлік деген ұлы күштен қуат алған Жаңатастықтар – барлық қиындықтарды жеңіп, өз іргетасының берік екенін дәлелдеді. Сүйікті қаламыздың ғұмыры ұзақ, шоқтығы биіктей берсін. Жаңатас – армандар орындалатын қала дегенде кеудемізді мақтаныш сезімі кернеп, бойымызды тәтті сезім билейді.
Қадірлі Жаңатастықтар!
Қаламыздың қарқынды дамуына қосып жатқан үлестеріңіз үшін шексіз алғысымызды білдіремін.
Баршаңызды қала күнімен құттықтай отырып, отбасыларыңызға бақыт пен береке, ынтымақ пен бірлік тілеймін! Жаңатасымыз көркейіп, көріктене берсін! Гүлдей бер, жайнай бер Жаңатасым!