Ашық консервативті шиит мұсылман партиялары ұсынған жаңа заң жобасында жеке адамның мәртебесі туралы заңға бірнеше түзету енгізіледі.

Әйелдер мына құқықтарынан айырылады:

• Ажырасу құқығы;
• Балаға қамқорлық;
• Мұрагерлік, мүлікке ие болу құқықтары.

Билік коалициясы мұндай ережелер ислам заңдарының қатаң түсіндірмелеріне сәйкес келеді және жас қыздарды «әдепсіз қарым-қатынастардан» қорғауға бағытталған деп санайды.

• Ауғанстанда енді әйелдер бір-бірімен де тілдесе алмайды

• «Жыныстық зорлық-зомбылыққа ұшыраған»: Иранда хиджабқа қарсылығын білдіріп, көшеде жалаңаш жүрген қыз ұсталды

Консервативтік шиит мұсылман партияларының коалициясы  «жеке мәртебе туралы заңның» күшін жоятын түзетуді дауысқа салуға дайындалып жатыр.

Билік коалициясы бұл қадам ислам заңдарын қатаң сақтап, қыздарды «әдепсіз қарым-қатынастардан» қорғауға бағытталған деп санайды.

16 қыркүйекте 188 заңға түзету екінші оқылымда қабылданды.

Бұған дейін де билік 2014 және 2017 жылдары оны өзгертпек болды. Бірақ әйелдердің қарсылығына байланысты сәтсіз аяқталды. Алайда биыл оның қабылдану ықтималдылығы жоғары.

Ирактықтар неке жасын қыздар үшін 9-ға түсіруді ұсынады. Сөздерінше, мұндай тіркелмеген некелер Ирактың экономикалық тұрғыдан кедей, тым консервативті шииттік қауымдастықтарында қазір де бар. Енді оны ресми заңдастырмақ. Сөздерінше, неке заңмен мойындалмағандықтан, қыздар мен олардың балалары ауруханаларда қараусыз қалады.

Human Rights Watch ұйымы бұл діни некелер қыздардың жыныстық және физикалық зорлық-зомбылыққа ұшырау қаупін арттырып, олардың білім алу мен жұмысқа орналасу мүмкіндігін шектейді деп мәлімдеді.

Еске салсақ, бұған дейін Иракта қыздардың неке жасын 9 жасқа дейін төмендету талқыланып жатқаны айтылды.

Фото: Эрик де Кастро/Reuters

https://stan.kz/irak-biligi-ayelderdi-azhirasu-zhane-mulikke-ielik-etu-409335/