Ғалым Мекемтас Мырзахметұлы өмірден өтті
Мекемтас Мырзахметұлы 95 жасына қараған шағында қайтыс болды
Абайтанушы, филология ғылымдарының докторы, профессор Мекемтас Мырзахметұлы 95 жасына қараған шағында қайтыс болды.
Мекемтас Мырзахметұлы 1930 жылы 9 мамырда Түркістан облысы, Түлкібас ауданы, Майтөбе ауылында дүниеге келген.
Ғалым өмір бойы Абай Құнанбайұлының шығармашылығын зерттеуге ден қойып, «Толық адам» іліміне терең талдау жасады.
Мекемтас Мырзахметұлы Қазақстанның түрлі ғылыми-зерттеу институттарында, университеттерде қызмет атқарды. 1975-1991 жылдары Қазақстан ғылым академиясы Әдебиет және өнер институтында Абайтану бөлімінің меңгерушісі болды. Сонымен қатар ол Қожа Ахмет Ясауи атындағы халықаралық қазақ-түрік университетінің кафедра меңгерушісі және ғылыми орталықтарының жетекшісі қызметін атқарған.
фото: Ашық дереккөз
https://turkystan.kz/article/254415-galym-mekemtas-myrzakhmetuly-omirden-otti