БҚО тұрғыны дәрігердің қателігінен аяғынан айырылды

On Ноя 20, 2024

10 қарашада жәбірленушінің жарақаттанған оң аяғы тобық тұсынан кесілген.

Батыс Қазақстан облысының тұрғыны дәрігердің салғырттығынан аяғынан айырылды, – деп хабарлайды Aikyn.kz.

Батыс Қазақстан облысы Жәнібек аудандық соты Қылмыстық кодекстің 317-бабы («Медицина немесе фармацевтика қызметкерінің қызметтік міндеттерін тиісінше орындамауы») бойынша істі қарады. Сотталушы жергілікті ауруханада хирург болып жұмыс істеген. Тергеушілердің айтуынша, ол өз жұмысына салғырттық танытқан.

2023 жылғы 25 қазанда жәбірленуші аяғынан жарақат алған соң ауруханаға жеткізіліп, аяғы антисептиктермен емделген. Дәрігер жарадағы өлі тіндерді алып тастап, жараны кеспей тігіп, білте қойған. Осыған байланысты ірің экссудат шықпай, жараға білте қойылмай, нәтижесінде сұйықтық жиналған. Тіндер қысылып, инфекция кірген.

2024 жылғы 10 қарашада жәбірленушінің жарақаттанған оң аяғы тобық тұсынан кесілген. Сотта жәбірленуші хирург келтірілген шығынды өтегенін және онымен медиация тәртібімен татуласып, дәрігерді кешіргенін және қылмыстық істі тоқтату туралы арыз бергенін айтты.

– Сот қылмыстық іс материалдарын зерделеп, оларға баға бере келе, сотталушы жасаған қылмыстық әрекет онша ауыр емес қылмыстар санатына жататынын анықтады, – делінген облыстық соттың хабарламасында.

Сотталушы қылмыстық жауапкершіліктен босатылып, іс өндірістен қысқартылды. Қаулы заңды күшіне енген жоқ.

фото осы сайттағы материалдан алынды

https://aikyn.kz/276330/bk-o-tu-rg-yny-d-rigerdin—k-ateliginen-ayag-ynan-ayyryldy