Ауғанстанда шахмат ойнауға тыйым салынды
https://turkystan.kz/article/260254-auganstanda-saxmat-oinauga-tyiym-salyndy
Ауғанстандағы «Талибан» қозғалысының өкілдері шахмат ойнауға ресми түрде тыйым салып, ол ойынды дінге қайшы деп таныды, деп хабарлайды turkystan.kz Советский спортқа сілтеме жасап.
«Соңғы 11 ай ішінде шахматқа қатысты ешқандай іс-шара я жарыс өткізілмеді. Шахмат федерациясының көптеген өкілі елден кетіп қалған», – дейді. Шахмат Федерациясының атқарушы директоры Абасин Мохиби.
Шахматшылар Спорт департаментіне турнирлер өткізу және федерацияға қолдау көрсету туралы өтініш білдірген. Алайда оларға әмірдің Шахмат Федерациясының құқықтық мәртебесін жою және ойынды харам ретінде ойнауға тыйым салғаны туралы жарлығы бар екенін айтқан.