АУДАН ПРОКУРАТУРАСЫ ХАБАРЛАЙДЫ!

Мойынқұм ауданының прокуратурасы аудан аумағында стационарлық емес сауда объектілері орындарының заңдылығына талдау жүргізді.

​Талдау нәтижесінде аудан аумағында стационарлық емес сауда объектілерін орындары бекітілмегендігі анықталды.

Орын алған заң бұзушылық бойынша аудан әкімінің атына заңдылықтың бұзылуын жою туралы ұсыну енгізіліп, нәтижесінде Мойынқұм ауданы әкімдігінің 2023 жылғы 7 тамыздағы №196 қаулысымен Мойынқұм ауылы, Омаров көшесі №6 мекенжайында стационарлық емес сауда объектілері орындары бекітілді (Мойынқұм ауданы бойынша мемлекеттік кірістер басқармасының ғимаратына қарама қарсы).