Аудан әкімі Ернар Есіркепов белсенді жастармен кездесті.
Еркін форматта пікір алмасу ретінде ұйымдастырылған кездесуге аудандық Жастар ресурстық орталығының өкілдері, ауылдық округтердің белсенді жастары және түрлі салада қызмет атқарып жүрген жас мамандар қатысты.
Жиынға қатысушы жастар көкейлерінде жүрген сауалдарын қойып, аудан басшысымен еркін түрде пікір алмасып, ұсыныстарын жеткізді.
Бүгінде жастар қоғамның қозғаушы күші ретінде озық идеяларымен қаруланып, еліміздің дамып, өркендеуіне барша үлес қосып келеді.
Кездесу соңында жастармен тұрақты түрде байланыс жасап, түйткілді мәселелерінің шешімін табуға үлес қосатын аудан белсенді жастарынан тұратын “Жастар лигасы” құрылды.