Атырауда ер адам балабақшаны тонады (ВИДЕО)

20 шілдеге қараған түні белгісіз адам Атыраудағы балабақшалардың біріне мүлікті ұрлау мақсатында пластикалық терезесінен кіріп, екі ноутбукты ұрлап кеткен.

Атырау қалалық № 1 полиция бөлімінің криминалдық полиция бөлімшесінің қызметкерлері 35 жастағы күдіктіні ұстап, заттай дәлелдемелерді тәркіледі.

«Аталған факті бойынша ҚР ҚК 188-бабының 3-бөлігі бойынша қылмыстық іс қозғалды. Сотқа дейінгі тергеу жүргізілуде. Өзге ақпарат ҚР Қылмыстық іс жүргізу кодексінің 201-бабына сәйкес жариялануға жатпайды. Сот шешімі әлі заңды күшіне енген жоқ», – деді Атырау облысы ПД баспасөз хатшысы Мейірім Ердәулет.

https://turkystan.kz/article/231979-atyrauda-er-adam-balabakshany-tonady-video/