Астанада жаңа көпір ашылады

Көпір сегіз жолақты, яғни төртеуі бір жағында, қалған төртеуі екінші жағында болмақ.

«Көпір үстінде сынақ 25 қазан күні басталады. Көпір статикалық жүктемемен сыналады – кезең-кезеңімен арнайы техникалар арқылы (30 тонналық самосвалдар) жүктеледі. Көпірдің жай-күйін бақылап, жағдайды назарда ұстау үшін қажетті көрсеткіштер беретін сенсорлар орнатылады», – делінген қала әкімдігінің хабарламасында.

Осылайша, жүргізушілері үшін қозғалыс 30 қазанда ашылады. Ал абаттандыру жұмысы көктемде аяқталады.

Бұл көпір өзге көшелерге түсетін күшті едәуір жеңілдетуге мүмкіндік береді: сол жағалауды Тәуелсіздік даңғылымен, жаңа теміржол вокзалымен, Қошқарбаев даңғылымен, Нәжімеденов көшесімен, Әзірет Сұлтан мешітімен, Байтұрсынов, Қордай, Айнакөл көшелерімен, Момышұлы даңғылымен және т.б. қосымша байланысты қамтамасыз етеді.

https://turkystan.kz/article/235354-astanada-zha-a-k-pir-ashylady