Арзан тур алмақ болған бойжеткен алаяққа алданып қалған
Полиция азаматтардан жеке карталарға ақша аудармауды ескертеді.
Instagram желісінде Таиландқа арзан бағамен тур ұсынып, жарнама жасаған алаяқтар бойжеткеннің сенімін пайдаланып, алдын-ала төлем ретінде 250 мың теңге аудартқан.
Ал кейіннен сақтандыру үшін тағы да 250 мың теңге төлеу қажеттігін айтқан. Содан кейін байланысқа шықпаған. Тек сол кезде ғана қыз алаяқтардың құрбаны болғанын түсініп, полицияға жүгінген.
Полиция департаменті азаматтардан жеке карталарына ақша аудармауды ескертеді. Ресми туристік фирмалар тек есеп айырысу шоттары арқылы жұмыс істейді, сондықтан пікірлерді тексеріп, компанияны шолу сайттарынан қарап, бағаны салыстырып, алдын-ала мәліметтерді нақтылау қажет. Сонымен қатар егер сіз алаяқтардың құрбаны болсаңыз, аударымды бұғаттау үшін төлем чектерінің және хат-хабарлардың скриншоттарын көрсетіп, дереу полицияға хабарласу керек.
фото: istockphoto.com
https://turkystan.kz/article/257518-arzan-tur-almak-bolgan-boizhetken-alaiakk-a-aldanyp-kalgan